MusicStar

Белгілі әнші, халықаралық байқаулардың жүлдегері Талғат
Жорабаевқа Орта Азияда дайындалатын косметикалық өнімнің жарнамасына түсуге
ұсыныс түсіпті. Бұл туралы әнші:

- Бұл ұсынысты жан-жақты қарастыруға уақыт берді. Былтырғы
Олимпиада ойындарына байланысты Шанхайдағы байқауға барудың сәті түспеді. Сол
олқылықтың орнын биыл толтырсам деймін. Оның үстіне Т. Жүргенов атындағы Өнер
академиясының 1-курс магистранты болғандықтан сабаққа да көңіл бөлуім керек.
Егер шығармашылығыма кері әсерін тигізбейтін болса ұсынысты қабылдаймын.

Әрине, шет ел жұлдыздарының табыс көзінің бірі – жарнамалық
ролик екені белгілі. Қаржылық дағдарыс кезінде мұндай ұсынысты кім болса да құп
алары даусыз. Талғаттың ойлануына қарағанда, сірә, қаржысы қомақты болмаса
керек.