MusicStar

«Қазақстан» ұлттық арнасынан берілетін «Таңшолпан»
ақпаратты-сазды бағдарламасын көрмейтін, білмейтін қазақ жоқ шығар. Өйткені,
күнделікті ұйқымыздан ояна салысымен теледидарды қосып, дастархан басында
отырғанда «Таңшолпан» бағдарламасын тамашалауды әдетке айналдырғанымызды
байқамай да қалдық. Өзіміз теледидардан күнде көріп жұрген Кенже Жұманұлы мен
Жанар Шәмел, Берік Көшербекұлы мен Мая Веронская, Нұрлыбек Жеңісбек пен Маржан
Болатханқызы таң сәріде әр қазаққа рухани қуат пен жайдары көңіл күй сыйлап
келеді. Алдағы аптада аты аталған тележүргізушілер хабар жүргізумен қатар бір
мезгіл ән салмақ. Бұл бағдарлама Қазақстан баспасөз қызметкерлері күніне
орайластырылыпты. Маусым айының 26-сы, сенбі күні кешкісін эфирге шығатын «Кеш
жарық» бағдарламасына «Таңшолпан» тележүргізушілері де қонақ ретінде қатысты.
Олар осы мерекеге орай арнайы ән жаздырған. Ән емес-ау, Таңшолпанның әнұранын
жаздырыпты. «Жүз рет естігеннен бір рет көрген артық» демекші олардың қалай
бірлесіп ән шырқағанын көру үшін маусымның 27-де «Қазақстан» ұлттық арнасынан
берілетін «Кеш жарық» бағдарламасын көрейік.